Shefi i linjës ajrore australiane, Qantas, Alan Joyce, ka deklaruar për BBC se “qeveritë do të insistojnë” për vaksinat te udhëtarët ndërkombëtarë.

Vaksinat kundër koronavirusit shihen si gjëja thelbësore për ringjalljen e industrisë që gjatë vitit të kaluar pësoi rënie në 75.6 përqind, transmeton portal arbresh.info

Shefi ekzekutiv Alan Joyce tha se shumë qeveri po flasin për vaksinimin si “një kusht” në kryerjen e udhëtimeve ndërkombëtare.

Ai beson, se edhe nëse qeveritë nuk do të ndanin mendim për kërkimin e vaksinave, “linjat ajrore duhet të zbatojnë politikën e saj”.

“Ne kemi një detyrë të kujdesemi për pasagjerët tanë dhe për ekuipazhin tonë, për të thënë që të gjithë në atë avion duhet të jenë të sigurt”, tha Joyce.

Megjithatë, disa zëra të fuqishëm, mes tyre edhe Organizata Botërore e Shëndetësisë, kanë deklaruar se janë kundër pasaportës së vaksinimeve e cila nga disa qeveri kërkohet që të jetë si kusht për udhëtime.

Qanta humbi 800 milionë dollar që nga fillimi i pandemisë./arbresh.info/